काठमाडौं, नेपाल।
कुल गार्हस्थ्य उत्पादनमा कुल राजस्व अनुपात गत वर्ष २१.९१ प्रतिशतमै सिमित रहेको छ। आ.व. २०७४/७५ मै २१.९१ प्रतिशत पुगेको यो अनुपात; स्वदेशी बजारमा आएको मन्दीले सुधार नभएको हो।
नेपालमा आधुनिक कर प्रणालीको थालनी वर्ष २०५८/५९ लाई लिने हो भने सुरुका वर्षमा कुल गार्हस्थ्य उत्पादनको मूल्यमा कुल राजस्व असुलीको अनुपात ११ प्रतिशत रहेको थियो। यसै क्रममा आर्थिक क्रियाकलापमा भएको वृद्धि सँगसँगै आ.व. २०६६/६७ मा १५.३ प्रतिशत रहन गएको देखिन्छ। त्यस्तै, आ.व. २०६८/६९ मा यस प्रवृत्तिमा उल्लेखनीय सुधार भई यो अनुपात १५.७ प्रतिशत रहन गएको देखिन्छ। आ.व. २०६९/७० मा १७.५ प्रतिशत रहन गएको अनुपात आ.व. २०७०/७१ मा १८.५ प्रतिशत रहन गएको देखिन्छ।
आ.व. २०७१/७२ मा कुल गार्हस्थ्य उत्पादनमा राजस्वको योगदान २१.४३ प्रतिशत रहेको छ भने आ.व. २०७५/७६ सम्म आईपुग्दा यो २४.८१ प्रतिशत पुगेको छ।
आ.व. २०६७/६८ मा कुल गार्हस्थ्य उत्पादनमा करको अनुपात १३.६ प्रतिशत रहन गएको देखिन्छ। आ.व. २०६९/७० मा १५.३ प्रतिशत रहन गएको अनुपात आ.व. २०७०/७१ मा १६.१ प्रतिशत रहन गएको देखिन्छ।
आ.व. २०७२/७३ मा यस प्रवृत्तिमा उल्लेखनीय सुधार भई कुल गार्हस्थ्य उत्पादनमा करको योगदान २१.०६ प्रतिशत रहेको छ भने आ.व. २०७५/७६ सम्म आईपुग्दा यो २१.९१ प्रतिशत पुगेको छ।
विगत १० वर्षको तथ्यांकलाई वोश्लेषण गर्दा आ.व. २०६६/६७ मा कुल गार्हस्थ्य उत्पादनमा करको अनुपात १३.३ प्रतिशत र कुल राजस्वको अनुपात १४.६ प्रतिशत रहेकोमा आ.व. २०७५/७६ मा सो अनुपात क्रमर्शः २१.९१ र २४.८१ रहेको छ। यो तथ्यांक हेर्दा क्रमर्श कर राजस्व स्थिर रहेको छ भने गैर करको कुल गार्हस्थ्य उत्पादन अनुपात बढ्दै गएको छ ।
सन्दर्भ सामाग्रीः
- आन्तरिक राजस्व विभाग, ' वार्षिक प्रतिवेदन २०७५/७६', अर्थ मन्त्रालय, नेपाल सरकार ।
-अन्य एजेन्सी
No comments:
Post a Comment