छाया बनेका सम्झना!

२२ साउन, २०७५।
काठमाडौं, नेपाल।

अाज मेदान्त अस्पतालका डाक्टरसँग मिटिंग थियो।
मिटिंग भनिएको समय भन्दा १५ मिनेटपछि सुरु भएको थियो।
सुरू भएपछि, अाफ्नो समस्या बताए।
उनले २ हप्तालाई अौषधी लिन र ब्लडटेस्ट गर्न सल्लाह दिए
तर, कुन अौषधी खाने भनेर हेर्न खोज्दा
"Please pay to view doctor's recommendation."
भनिएको डायलग बक्स स्क्रिनमा अायो। अन्लाईन पेमेन्ट गर्न खोज्दा रिजेक्ट भयो र रिजेक्सनको कारणबाट थाहा भयो कि ब्यालेन्स सकिएको रहेछ।

बैंकमा भीड थियो। मोबाइलमा खाता नम्बर थियो। Deposit slip मा खाता नम्बर लेख्दै थिएँ मोबाइल बन्द भयो।
१० मिनेट कुरेर रिसेप्सनबाट खाता नम्बर पत्ता लगाए र क्यास काउन्टरको लाइनमा बसे। बैंकमा खातामा पैसा जम्मा गरे र घर तिर लागे।
घर अाएर पेमेन्ट गरे र रिपोर्ट हेरे। उनले केही अौषधी र ब्लडटेस्ट लेखेका रहेछन्।

उनले भिडियो कल गरीन्।
"रातो लिपिस्टिक र निधारमा लगाएको कालो टिका; सुनेको थिएँ कालो टिका त अाँखा नलागोस् भनेर लगाउछन् रे तर यिनी सोझिएको देखेर त नलाग्ने अाँखा पनि लाग्छ।"

हाम्रो गफगाफ र केही गीत सुनेर रमाइरहेका थियौं। कुरा पनि केही थिएन। उसले कोही सित च्याट गरेर हासेको जस्तो लाग्यो।
अनि उसले भनि, "म एकछिनमा कल गर्छु है।"
"हुन्छ", भने। उनले फोन काटिन्।

अगिदेखि Bufferring भइरहेको गीत बल्ल बज्यो!

"अाज जानेकी जिद ना करो,
अाज जानेकी जिद ना करो।।"

यस्तो बारदात कयौं पटक उनीसँग बोल्दा भइरह्यो; मलाई किन हो किन नरमाइलो लाग्छ। कतै मनको कुनामा अाफू अपुरो भएको महसुस गर्थे। र, अाफैं देखि खिन्न लाग्छ अनि मन दुखेर होला मुखमा असजिलो लागेर एक घुट पानी पिएर बाहिर तिर लागे।

लुगा फेरे र कारमा निस्के। रोडियोमा गीत बज्दै रहेछ।

"मैं रहूँ या ना रहूँ 
तुम मुझ में कहीं बाकी रहना 
मुझे नींद आये जो आखिरी 
तुम ख्वाबों में आते रहना

हज़ार बार सोचा, 
कह दूँ की फ्रेंड नहीं मेरी गर्लफ्रेंड है तू 
पर सपने टूट जाने का डर 
कभी दिल से गया ही नहीं"

जानु पर्ने त कतै थिएन् र कतै रेकेेर बस्न पनि मन थिएन।भाग्न चाहन्थेँ अाफ्नो सम्झनासँग तर बाटो जति अगि बढे पनि सम्झनामा अाइरहन्थ्यो।

उनले पछि पनि कल गरेको थिइनँ। तर, मलाई केही बोल्न मन लागेको थिएन् अाजको दिनबाट म बिरक्त भैसकेको थिएँ। र, बाहिर छु भन्दै फोन काटे।

अहिले यो लेख्न बस्दा त्यो के भऐको होला भनेर अनुमान गर्दा एउटा निर्क्यौलमा पुगे 'सायद, समयको चङ्गुलमा बादिएको जीवनको यात्रामा धेरै साथी गुमाएको भएर होला, यिनी पनि मदेखि टाढा जाँदै छिन्।'

सन्दर्भ सूची:
(विभिन्न एजेन्सी)