स्वदेशी लघुवित्तले चालु आर्थिक वर्षको तेस्रो त्रैमासमा झण्डै दोब्बर, ९२.३ प्रतिशतको वृद्धि

०६ चैत २०७६,
काठमाण्डौं, नेपाल।

स्वदेशी लघुवित्तले चालु आर्थिक वर्षको तेस्रो त्रैमासमा झण्डै दोब्बर खुद नाफा आर्जन गरेको छ। यस त्रैमाससम्म कम्पनीले ४ करोड ८१ लाख ७१ हजार ६१० रूपैयाँ आर्जन गरेको छ। यो गत वर्षको भन्दा ९२.३ प्रतिशतले धेरै हो। गत वर्ष यहि अवधिमा २ करोड ५० लाख ४५ हजार २० रूपैयाँ खुद नाफा कमाएको थियो।

समीक्षा अवधिसम्म ९१ करोड २९ लाख ९५ हजार १५० रूपैयाँ निक्षेप संकलन गरेको छ। साथै, लघुवित्तले २ अर्ब १२ करोड १३ लाख ८३ हजार १० रूपैयाँ अन्य बैंक तथा वित्तीय संस्थामार्फत ऋण गरेर ३ अर्ब ४ करोड ९० लाख ३ हजार ५०० रूपैयाँ लगानी गरेको छ।

माइक्रोफाइनान्सले १६ करोड १८ लाख ६७ हजार ७९० रुपैयाँ खुद ब्याज आम्दानी गर्न सफल भएको छ । गत वर्ष भने १० करोड ५५ लाख ५१ हजार ७२० रुपैयाँ खुद ब्याज आम्दानी गरेको थियो । यो अगिल्लो वर्षको तुलनामा ५३.३५ प्रतिशतले धेरै हो। साथै, यस वर्ष सञ्चालन नाफा बढेर ७ करोड ६२ लाख रुपैयाँ पुगेको छ । गत वर्ष यसै अवधिमा सञ्चालन नाफा ३९ करोड ३५ लाख रुपैयाँ थियो । कम्पनीले खुद ब्याज आम्दानी बढाएर र खर्च नियन्त्रण गरेर नाफा बढाउन सफल भएको हो। 

कम्पनीको खराब कर्जामा केही वृद्धि भएको छ । गत वर्ष १.५१% रहेको खराब कर्जा यो त्रैमासमा आइपुग्दा १.९९% मा रहेको छ ।

माइक्रोफाइनान्सको प्रतिशेयर आम्दानी ३३ रूपैयाँ ९१ पैसा, प्रतिशेयर नेटवर्थ १९३ रूपैयाँ १३ पैसा र मूल्य आम्दानी अनुपात १५.९२ गुणा रहेको छ।

सन्दर्भ सामाग्रीः

- स्वदेशी लघुवित्त

- शेयर संसार

- विभिन्न ऐजेन्सी