आईएमई जेनरल इन्स्योरेन्सः कम्पनी विश्लेषण (मंगलबार, १४ जेठ २०७६)

१३ जेठ २०७६,
काठमाण्डौं, नेपाल।

आईएमई जेनरल इन्स्योरेन्सले ५ प्रतिशत बोनस शेयर वितरण गर्ने प्रस्ताव गरेको छ। कम्पनीको चुक्तापूँजी रू. ९७ करोड २० लाख छ । कम्पनीले बीमा समितिले तोकेबमोजिम पुर्याउनको लागि ५% बोनस शेयर वितरण गर्दैछ। यस पश्चात कम्पनीको चुक्ता पुँजी १ अर्ब २ करोड पुग्नेछ। कम्पनीले वैशाख २६ गते सम्पन्न साधारणसभाले १५ प्रतिशत बोनस र कर प्रयोजनका लागि १ दशमलव ५८ प्रतिशत नगद लाभांश पारित गरेको छ ।

चालु आवको तेस्रो त्रैमाससम्म आईपुग्दासम्म कम्पनीले १० करोड रुपैयाँ खुद नाफा आर्जन गरेको छ। गत वर्षको तुलनामा कम्पनीले २१ प्रतिशतले नाफा वृद्धि गरेको हो। समिक्षा अवधिमा कम्पनीले ८ करोड २३ लाख रुपैयाँ कमाएको थियो।

कम्पनीको दैनिक कारोबारलाई आधार मैनबत्ती विश्लेषणमा १३ गतेको दिन लामो पुच्छर र टुप्पी भएको हरियो आकृति बनेको थियो । 'यस्तो आकृतिले कम्पनीको शेयरमूल्य आगामी दिनमा बढ्ने संकेत देखाउँछ', भनेर विश्लेषण गरेको थिएँ। र, आजको दिनमा बजार बन्दहुँदा हिजोको ४०६ को मूल्यलाई १ अंकले उछिनेको छ। 

चित्र १ः मैनबत्ती

कम्पनीको मुभिङ एभरेजमा २० दिने औसत मूल्यरेखाभन्दा ५ दिने औसत मूल्यरेखा तल रेहेको छ। ३ दिन अगाडी रु.४०३ मा झरेको मूल्य ५ दिने औसत रेखाभन्दा निकै तल रेहको थियो। यद्यपि, गएको २ दिन देखि भने शेयरमूल्य बढ्न थालेको छ र मूल्य स्थिर रहेने सम्भावना भने बढेर गएको छ।

चित्र २ः मुभिङ एभरेज

आरएसआईले शेयर खरीदविक्री चाप सन्तुलन देखाउँछ । यो ४४ दशमलव १२ विन्दुमा छ । 

चित्र ३ः आरएसआई

बोलिङ्गर ब्याण्डमा हेर्दा शेयर मूल्य अन्तिम दिन तल्लो ब्याडभन्दा माथि बन्द भएको देखिन्छ। शेयर मूल्यले लोवर ब्याण्डलाई टेस्ट गरिसकेको छ। र,  मूल्यले पुनः माथिल्लो गति लिरेहेको देख्न सकिन्छ । 

चित्र ४ः बोलिङ्गर ब्याड

एमएसिडी अझैं पनि ट्रिगर रेखाभन्दा मुनि र त्यो पनि ० भन्दामुनि रहेको छ। एमएसिडी शुन्यभन्दा मुनि रहेको र अझैं गति लिइनसकेकोले गर्दा अहिले जेखिम धेरै छ।

चित्रः ५ः एमएसिडी

त्यस्तै, मंगलबारको शेयरमूल्य रू. ४ सय ६ देखि बजारको अवस्था परिवर्तन भई मूल्य महँगिएमा रू. ४ सय २४ मा प्रतिरोध पाउने र मूल्य सस्तिएमा रू. ३ सय ९२ मा टेवा पाउने देखिन्छ ।

चित्रः ६ः टेवा / प्रतिरोध

सन्दर्भ सामाग्रीः
नेप्से
ऐजेन्सी

धन्यवाद! 

जय नेपाल!!!