एनआईसी एशियाः कम्पनी विश्लेषण (शुक्रबार, ६ असार २०७६)

२ असार २०७६,
काठमाण्डौं, नेपाल।

बैंकको तेस्रो त्रैमासको वित्तीय विवरणमा रू. १ अर्ब ५ करोड १२ लाख ३ हजार वितरणयोग्य नाफा रहेको उल्लेख छ । यस बैंकले सहायक कम्पनीमार्फत धितोपत्रको कारोबार गर्न नेपाल राष्ट्र बैंकबाट बाटो खोलिसकेको छ । राष्ट्र बैंकले साधारणसभा मार्फत पारित गरेको प्रबन्धपत्र विनियमावलीमा समावेश ब्रोकर कारोबार गर्न सक्ने प्रस्तावलाई स्वीकृति दिएको हो । गत फागुनमा १० प्रतिशत ब्याजदरको १० वर्षे ऋणपत्र जारी गरिसकेको बैंकले फेरि जेठ ६ गते ७ वर्षे अवधिको १० दशमलव २५ प्रतिशत ब्याजदरमा ४४ लाख कित्ता ऋणपत्र जारी गर्न बोर्डसँग अनुमति मागेको छ ।

कम्पनीको ६९ दिनको कारोबार अवधिको मैनबत्ती विश्लेषणको अन्तिम ३ दिनको मैनबत्तीलाई हेर्दा थ्री ह्वाइट सोल्जर आकृति भएको मैनबत्ती बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत गर्दछ।

चित्र १ः मैनबत्ती

कम्पनीको मुभिङ एभरेजमा २० दिने औसत मूल्यरेखाभन्दा ५ दिने औसत मूल्यरेखा तल रेहेको छ। शेयरमूल्य भने २० दिने रेखाभन्दा माथि रहेको छ र यसले हरेक दिन शेयरमूल्यले नयाँ मूल्य कायम गर्ने सफल रहेको जनाउँछ। साथै, केहीको दिन यता भने मूल्य बढेकोले ५ दिने औसतले २० दिने औसत एकै विन्दु नजिक आएका छन्।

चित्र २ः मुभिङ एभरेज

आरएसआईले शेयर खरीदविक्री चापको संकेत गर्दछ । यो ५१ दशमलव ९५ विन्दुमा छ । यसले खरिदविक्रि सन्तुलनमा रहेको देख्न छ।

चित्र ३ः आरएसआई

बोलिङ्गर ब्याण्डमा हेर्दा शेयर मूल्य अन्तिम दिन बिचको ब्याडभन्दा माथि बन्द भएको देखिन्छ। बोलिङ्गर ब्याण्डको बिचको मूल्यभन्दा माथि मूल्य बन्द भएकोले यसले बुलिस गति लिएको बुझ्न सकिन्छ । 

चित्र ४ः बोलिङ्गर ब्याड

एमएसिडी रेखाले पनि ट्रिगर रेखालाई छेडेको छ। यस्तो अवस्थालाई टेक्निकल रुपमा गोल्डेन क्रसओभर भन्ने गरिन्छ।

चित्रः ५ः एमएसिडी

त्यस्तै, विहिबारको शेयरमूल्य रू. ४ सय ७१ देखि बजारको अवस्था परिवर्तन भई मूल्य महँगिएमा रू. ४ सय ८५ मा प्रतिरोध पाउने र मूल्य सस्तिएमा रू. ४ सय ५१ मा टेवा पाउने देखिन्छ ।

चित्रः ६ः टेवा / प्रतिरोध

समग्रमा, हाम्रा ४ सल्लाहकार (इन्डिकेटर) साथीहरुले सकारात्मक सुजाव दिएछन् भने केवल १ ले मात्र नकारात्मक सुझाव दिएको खण्डमा हामी अहिलेको लागि खरिद गर्नु उपयुक्त रहनेछ। 

सन्दर्भ सामाग्रीः
नेप्से

ऐजेन्सी

धन्यवाद! 

जय नेपाल!!!